ஆர்வத்துடன் கற்கவும் பயிற்சி பெறவும் இயற்கைக்கட்டிடவியலாளர் ஆகவும் விரும்புபவர்கள், பணிப் பயிற்சி மற்றும் துணைப்பயிற்சிக்கு விண்ணப்பிக்கலாம். தணலின் கொள்கைகளை நன்றாகப் புரிந்து கொண்டவர்களையும் தணலின் வளர்ச்சியில் ஈடுபடுபவர்களையும் எதிர்நோக்கிக்காத்திருக்கிறோம்.

தணல், ஆய்வு மற்றும் ஆவண படுத்துதல் வழியாகத்தான் கற்றுக்கொள்கிறது. எனவே பணிப்பயிற்சி பெறுபவர் எங்களுடைய கட்டுமானத்திட்டங்களைப் பற்றியும் மற்ற மரபு வீட்டைப் பற்றியும் அதிக ஆவணம் செய்ய வேண்டும். நிழற் படக் கலை, ஓவியக்கலை மற்றும் எழுத்துத் திறன் மூலம் எங்களுடைய ஆவணப்படுத்துதல் பணிக்கு உதவலாம். மக்கள் தங்கள் கைகளில் மூலமே வேலை செய்து செய்முறைப் பயிற்சி பெறுவதை விரும்புகிறோம். இது இயற்கைக் கட்டுமானப் பொருட்களை நேர்த்தியாக பயன்படுத்த உதவும். இந்தப் பாடத்திட்டத்தில் கள ஆய்வும் ஒரு பகுதியாக இருக்கும். நமது மரபுத்தொழில்நுட்பங்களை பல்வேறு சூழலில் எப்படிப் பொருத்துவது என்பதற்குத் திறவுகோலாக அது அமைகிறது. ஒரு குறிப்பிட்ட இடத்தைப்பூர்வீகமாகக்கொண்ட தொழில்நுட்பங்கள் நடைமுறையில் சாத்தியமான தீர்வாக எப்படி அமையும் என்பதைக் கற்றுக் கொள்ள ஊக்கப்படுத்துகிறோம்.

இயற்கை கட்டுமானத்தின் துவக்க நிலையைக் கற்ற பின்னர் அம்மக்கள், தேர்ந்தெடுத்து செய்யும் கட்டுமான திட்டங்களில் ஒருங்கிணைப்பாளராக நியமிக்கப்படுவர். பொதுவாக கிராமப்பகுதியில் அத்திட்டங்கள் நடைபெறும். நகரங்களை விட அதிக கிராமங்கள் உருவாக விரும்புகிறோம். நுகர்வு கலாச்சாரத்தில் இருப்பவர்களைத் தவிர்ப்பது நன்று. அதனால் பேராசைப் படுவோரைத் தவிர்த்து தேவைப்படுவோருக்கு தணலின் சேவை போய் சேரும். இந்த மாதிரியான சூழ்நிலையில் வேலை செய்வதால் இயற்கை வழி வாழ்வியலின் அடிப்படையைக் கற்றுக்கொள்ளலாம்.

இயற்கைக் கட்டுமானக் கல்வி என்பது மெதுவான செயல்முறை என்பதால் பொறுமையுடன் எங்களின் கால அட்டவணையின்படி வேலை செய்ய முடியும் என்பவர்களையே எதிர்ப்பார்க்கிறோம். இயற்கை வழி வாழ்வியல் மற்றும் பொருட்கள் தொடர்பாக ஒத்த எண்ணங்கள் கொண்டவர்களிடம் இணைந்து பணியாற்ற விரும்புகிறோம். அது தணலில் உள்ள ஒவ்வொருவரும் கற்பதற்கு வாய்ப்பை நல்கும்.

தணல் மேலும் இலக்கியம் மற்றும் இசை ஆகியன மூலம் இயற்கை வழி வாழ்வியலைப்பற்றி பரப்புரை செய்யத்திட்டமிடுகிறது. அதனால் கட்டிட வடிவமைப்பியல் துறைக்கு அப்பாற்பட்ட பல துறைகளிலும் ஆரவமிக்கவரை எதிர்பார்க்கிறோம்.

சிமெண்ட் மற்றும் மற்ற தொழிற்சாலைப் பொருட்கள் ஆகியவற்றைத் தவிர்த்து கட்டுமான மூலப்பொருட்களைக் கிடைக்கும் நிலையிலேயே பயன்படுத்தி, ஆய்வு செய்து சோதனை செய்து, மரபுக் கட்டுமானத்தை பல பரிணாமங்களில் எடுத்துச்செல்ல விரும்புகிறோம். தணல் ஒரு லாப நோக்கமற்ற அமைப்பு என்பதால் எங்களால் எந்த ஒரு உதவித் தொகையும் பணிப்பயிற்சி பெறுபவருக்கும் துணைப் பணிபபயிற்சி பெறுபவருக்கும் தர இயலாது. பணிப் பயிற்சி அல்லது துணைப் பயிற்சி காலிப்பணியிடங்கள் பக்கங்களில் உள்ள விண்ணப்பம் வழியாக மட்டுமே விண்ணப்பித்து 2 வாரங்களுக்கு எங்களுடைய பதிலுக்குக் காத்திருக்கவும்.

முக்கிய விதிமுறைகள்

பயிற்சி வகுப்பில் கலந்து கொண்டவர்களுக்கு முன்னுரிமை அளிக்கப்படும். இதுவரை எந்தப் பயிற்சி வகுப்பிலும் கலந்து கொள்ளவில்லை என்றால் விரைவில் வரக்கூடிய முதல் பயிற்சி வகுப்பில் முழு கட்டணம் செலுத்தி கலந்துகொள்ளப் பரிந்துரைக்கிறோம். பிறகு நீங்கள் தணலைப் பற்றியும் தணலின் கொள்கைகளைப் பற்றியும் புரிந்து கொள்ள முடியும்.

அடிக்கடி கேட்கப்பட்ட கேள்விகளும் அதன் பதில்களும்

யாரெல்லாம் விண்ணப்பிக்க முடியும்?

எங்களுடைய பயிற்சி வகுப்புகளில் கலந்து கொண்டவர்களுக்கு மட்டுமே அனுமதி உண்டு.

இயற்கை வழியில் கட்டுமானத்தை எழுப்ப ஆர்வமிக்க ஒவ்வொருக்கும் திறந்ததே! எங்களுடன் வேலை செய்ய முறையான கல்வி கற்க வேண்டிய அவசியம் இல்லை. கல்லூரி இடைநிறுத்தம் பெற்றவர்கள்,ஏதாவது ஒரு துறையின் வடிவமைப்பாளர்கள், கலைஞர்கள், எழுத்தாளர்கள் மற்றும் அனைவரும் வரவேற்கப்படுகிறார்கள். கட்டிட வடிவமைப்பாளர்களும் பொறியாளர்களும் பணிப் பயிற்சி பெற விண்ணப்பிக்கலாம் .

குறைந்த அளவு தகுதிகள் என்ன?

களத்தில் முழுக்கவனத்துடன் பணியாற்ற வேண்டும்.  உற்று நோக்குதல் உடன் கற்கவும் பகுப்பாய்வு செய்யவும் மற்றும் சோதனை செய்யவும் ஆர்வமுள்ளவர்கள் எங்களுடைய குழுவில் இணைய தகுதி பெற்றவர்.

எங்கே ஆரம்பிப்பது அல்லது விண்ணப்பிப்பது?

சரியான கேள்வி. ஏதேனும் ஒரு பயிற்சி வகுப்பில் கலந்து கொள்ள ஆரம்பியுங்கள். அங்கே நாங்கள், உங்களது  மனம், ஆவி, குணத்தைப் புரிந்து  கொள்ள முடியும்.

முன் அனுபவம் அல்லது இயற்கைக் கட்டுமானம் பற்றிய அறிவு வேண்டுமா?

கண்டிப்பாக உங்களது அனுபவங்களை எங்களிடம் பகிர்ந்து கொள்ளலாம் இல்லை என்றால் நாங்கள் உங்களுக்கு உதவி செய்வோம்.

குறைந்த பட்ச கால அளவு என்ன?

ஒவ்வொருவரின் புரிதலும் வேறுபடும் என்பதால் கால அளவு மாறுபடும். குறைந்தபட்சம் 1.5 வருடங்கள் தணலுடன் வேலை செய்வது அல்லது இரண்டு கட்டுமாத் திட்டங்களில் பணிபுரிவதால் இயற்கை கட்டுமானம் பற்றிய புரிதலைப் பெற முடியும். கட்டுமானத்துடன் நீங்களும் வளருவீர்கள். உங்களுடைய பிழைகள் மூலமும் கற்றுக் கொள்வீர்கள்.

துணைப் பணி பயிற்சிக்கான கால அளவு என்ன?

குறைந்தபட்சம் 6 மாத கால அளவில் எங்களுடன் இணைந்து பணியாற்றிக்கட்டுமானச் செயல்முறையின் பல்வேறு படிநிலைகளில் இருந்து கற்றுக்கொள்ள விரும்பும் நபர்களுக்கு முன்னுரிமை அளிக்கப்படும்.

நேர்காணல் ஏதும் இருக்குமா?

ஒருபோதும் நீங்கள் அறிய மாட்டீர்கள். நேர்காணல் ஒன்றை வைத்து ஒருவரைப் புரிந்து கொள்ளமுடியாது. தணலின் வேலை செய்யும் விதம் வழக்கத்திலுள்ள முறையிலிருந்து முற்றிலும் மாறுபட்டது. ஒரு குழுவாக வேலை செய்து ஒவ்வொருவரின் இடத்திற்கும் கருத்திற்கும் மதிப்பளிக்கப்படும்.

யார் நல்ல பணி பயிற்சியாளர்?

கற்றல் என்பது மெதுவான செயல்முறை. பொறுமை தேவைப்படும். மனமார களத்தில் இறங்கி வேலை செய்யவும்,உடன் நிகழ்வாக நடப்பில் உள்ள வேலைகளை ஆவணப்படுத்தவும் செய்ய வேண்டும். நகைப்புத்திறன் கொண்டிருந்தால் வரவேற்கதக்கது.

எங்கே காலிப்பணியிடங்கள் பற்றி அறிவது?

பணிப்பயிற்சி பெறுபவர் மற்றும் மற்ற காலிப்பணியிடங்கள் பற்றித் தெரிந்து கொள்ள காலிப்பணியிடங்கள்  பக்கத்திற்குச் செல்லவும்.